Fasnacht 2019

Au das Johr müesse mir Abschied näh,

drum tüe mir no es Sprüchli usegäh!

Wotsch ar Fasnacht no Brot im Chääs go tunke

De machsch das chli spöter bi de Spötterfunkä

Doch dä Service wird jetz igstöut

Und s’Caquelon für immer abgstöut

Es isch scho chlei komisch dass es die jetz nüme gits

Aber villicht chöme si jo nöchst Johr zrugg aus Tante Fritz

Was bliibt isch das mir üs jetz haut ohni Chääs betrinke

Aber derfür nid nach Chnobli zur Schnure us stinke

Mir hoffe si tüe nid ir Untätigkeit versinke

Und zum Abschied tüe mir aui ihne jetz no winke

Dr Pirmin het nid Bundesrot wöue wärde

Är heig e angeri Bestimmig uf dere Ärde

Mir hei das lang gar nid verstange

Doch jetz isch üs es Liecht ufgange

Dr himmlischi Plan gsehts vor und wott es ha

är tritt d‘Nachvoug vor Uriella aus Sprachrohr Gottes a

Amen

Chasch d’SchmutzbadrÖön ab em Donnschti 28. Februar 2019 ar Solodurner Fasnacht wider gseh !

am Donnschti Obe im Höfli und im Muttiturm,

am Sunnti und Tsischti Obe i de Beize und im Theater !

Öppe so freue mir üs uf Euch !!!

Höfli 2019:

Schnibamu 2019:

Stadttheater 2019:

Gsehsch zwe ir Gass rot-wiss wie Clöön

Si singe nid und mache keini Tön

Nur Sprüchli chlopfe wunderschön

Chönnt si das si d‘SchmutzbadrÖön